|
Attu De Contrizione.
Signore meu Gesu Cristu,deus et omine verdaderu,
Creatore e Redentore meu,pro essere bois chi sezis infinitamente bonu e dignu
de essere amadu supra totus sas cosas,
mi pentu de totu coro de totu sos peccados meos,e los detesto supra totus sos males,
e proponzo de mai pius peccare,de mi appartare dae totu sas occasiones de bos offennere,
de mi cunfessare interamente e cumplire sa penitenzia aggiudadu dae sa grazia bostra.Amen.
ORAZIONE.
O Soberanu e onnipotente signore
chi santificates sas animas nostras
pro chi in sa perpetua eternidade bos
adorent e bos glorifichent,nois adoramus
sa grandesa ostra divina e cun sa piusu
prufunna umilidade cunfessamus sa debilesa nostra
e bos riconnoschimus autore e dispensadore de onzi
grazia,bos supplicamos,o Signore,pro sos meritos de su martire ostru Santu Bachis
de santificare sas animas nostras e cunzedere asu coro nostru
cuddas virtudes neccessarias pro poder resistere a sa tentassone e lusingas
de su dimoniu,pro chi suffrinne cum passenzia e rassegnazione
in custa vida, ottenzemus sa sorte felice de bos beneighere
e laudare eternamente in su Paradisu.Amen.
I
O gloriosu Santu Bachis,chi naschidu in Roma
in tempos de ignoranzia e idolatria,
bos sezis fattu militare de s'imperatore Massimianu,
arrivanne pro meritu ostru a s'altu gradu de secunnu cumannante.
Bois cun animu forte e coraggiosu professezis
a sa militia terrena e a sa celeste ancora,
faghinnebos cristianu fervente e custa fide
cunfessezis a costu de sa propria vida
in cara a su mundu e a sos tirannos.
Ottenidenos d'esser ancora nois fortes e generisos milites de Gesus Cristu,
de amare e cunfessare su Signore in cara a su mundu e a sos inimigos tottu,
a costu de sa propria vida.
Pater ,AVE,Gloria.
II.
O Gloeriosu Santu Bachis
chi essennebos rifiutadu de adorare sos idulos paganos
e haende dichiaradu coraggiosamente d'essere cristianu
e cristianu de cherrer morrere,bos ispozzesint
pro cumandu de s'imperatore Massimianu
de sa divisa e de sas insignas militares,
e pro isfregiu e birgonza bos bestesint de femina,
e d'unu collare de ferru in trogu bos fattesint passarein sas vias de sa cittade.
Ottenidenos chi ancora nois nos ispozzemus
de sas vanas pompas de su mundu
e de s'abitu de su pecadu,e nos bestemus
invece de su estire de sa penitenzia
e de sa grazia divina.
Pater,Ave ,Gloria.
III.
Gloriosu Santu Bachis,
chi perseverande in sa vida cristiana e non cedinde mai
ne a isfregios ne a minettas de su tirannu Massimianu,
sezis bistadu costrintu de partire bene iscortadu a sa Siria,
pro essere inie giudicadu dae su presidente Antiogu guvernatore de su Oriente,
e i cussu crudele tirannu ordinesit chi bois esserezis inserradu in d'una
presone militare e incadenatu in manos e in pes,
ma tottus custas toruras bois azis fortemente supportadu
senza bos lamentare ne zeder mai,bos pregamus chi ottenzedas puru a nois sa perseverantia in sa vide,
e i sa cristiana fortilesa in su suffrire ogni pena,
ogni dispiaghere e affannu pro sa gloria de Deus
e pro su bene de s'anima nostra.
Pater,Ave,Gloria.
IV.
O Gloriosu Santu Bachis
chi bidinde su tirannu presidente Antiogu eser bois
irremovibile in sa vide professada dae Gesù Cristu
e nonostante sas dolorosas provas a sas cales bos suttaponzesit,
disperadu isse de bos induire a sa idea sua in ateru modu,
pienu de ira e furore bos cundannesit a su martiriu,
ottenidenos dae su Signore de fagher nois puru
de fagher fuire lontanu disisperadu,confusu e umiliadu su dimoniu,
mediante s'eserciziu de sas pius bellas virtudes
e mediante sa santitade de sa vida nostra.
Pater,Ave,Gloria.
V.
O Gloriosu Santu Bachis
chi supportezis cun eroicu coraggiu e fortilesa
su crudele martiriu chi bos desint
battor sordados infideles cun nervios attarzados
e vergas staglientes finzas abos faghere sa carena a cantos,
su corpus tottu a una piae in modu de si biere su coro,
sas visceras e sas intragnas.
Ottenidenos dae su Signore de faghere volontarias mortificaziones
e sacrifiziu a Deus de su corpus nostru,offerindelu a isse chi nos hat criadu,
redimidu e santificadu , pro sa gloria sua,pro su triunfu de sa fide
e pro sa salvesa de s'anima nostra.
Pater,Ave,Gloria .
VI.
O Gloriosu Santu Bachis
chi essendes vicinu a ispirare sutta a tantos turmentos
de su crudele martiriu chi bos hant dadu,
cun boghe amorosa Gesus bos giamesit a sa gloria,
ei s'anima ostra circundada de lughe e de vittoria
bolesit a su chelu pro rezzire inie su premiu eternu
chi Deus hat destinadu a sos fortes e coraggiosos chi morint
pro sa gloria sua.
Ottenidenos pro tantu dae su Signore chi a s'ora de sa morte nostra
nois puru siemus giamados dae Gesus a gosare in su chelu
pro tota s'eternidade.
Pter,Ave,Gloria.
VII.
O Gloriosu Santu Bachis
grande protettore nostru chi in cumpagnia de sos martires
cumpagnos bostros, Sergiu,Marcellu,Epuleiu bos godites
sa beatifica visione de Deus in su Paradisu
dae ue ottenides tanta grazias e favores a tottu sos divotos vostros,
ottenide a nois e a tottus cuddos chi dae ogni parte e logu
accudini ai custu grande santuariu pro bos venerare
e festeggiare tottu sas grazias chi bos domandamus
pro custa vida temporale ei sa gloria eterna de su Paradisu.
Pater,Ave,Gloria.
ORAZIONE
O inclitu protettore nostru,
o martire Santu Bachis,
chi abbrazzande sa religiona cristiana
e osservande fidelmente sos prezetos de Deus
e de sa S. Eclesia,
bos sezis fattu santu;
Bois chi sezis vividu e mortu in sa vide cattolica Romana,
impetradenos d'esser veros imitadores bostros
e meritevoles de sos bostros favores.
Deh! pro cuddu amore forte chi azis sempre a Deus professadu,
rivolgite sos ogios bostros piedosos subra de nois
e impetradenos unu forte e costante amore a Deus e a su prossimu,
dadenos una viva fide e una vfirma isperienza pro poter una die benner chi bois in su Paradisu.
Cunzedidenos puru sa gratia chi bos domandamos in custa noina,
cando siat aggradabile a Deus e utile a s'anima nostra.
( Si domanda sa gratia).
Ora pro nobis S.Bache, ut digni....
OREMUS
Praesta quesimus omnipotens Deus,
ut intercedente Beato Bacho martire tuo,
a cunctis adversitatibus liberemur in corpore
et a pravis cogitationibus mundemur in mente.
Per Cristum Dominum nostrum.
GOSOS
DE CUSTU MUNNU INGANNOSU
VERU DISPREZIATORE
SIAT NOSTRU INTERCESSORE
SANTU BACHIS GLORIOSU.
1-De nobile parentela
nanch'izis martire santu
naschidu in mes'e istellas
pro ottenner corona bella
de martire venturosu.
2-Iischinde s'Imperatore
chi fizis già cristianu
pius che tigr'inumanu
cherzesit cun disonore
atterrarebos s'onore
vostru tantu preziosu.
3-Cumandesit in s'istante
chi bos aerent ispozzadu
de su vestire onoradu
su junchiliu 'e diamante
chi potaezis galante
pro su postu tant'onorosu.
4-Antiocu su crudele
fit su ministr'inumanu
achie desit in manu
s'imperatore infedele
su pettus vostru fidele
de sas penas ansiosu.
5-Cand'istesit s'azzottare
sos ossos bos denudesint
finalmente che fattesint
s'anima vostra volare
fattendebos reposare
cun su 'ostru celeste isposu.
6-Podides duncas mirare
pro sos chi sunu devotos
chi dae locos remotos
venin pro bos venerare
cherzedas a tottu impetrare
perdonu d'ogni peccadu.
IN SOS CHELOS SES VIZZUSU
D'ONANIE DINFENSORE
SIAS NOSTRU INTERCESSORE
SANTU BACHIS GLORIOSU.
Santu Bachis
in custa vadde isolatu
riposa martire santu
e sezzi cantu pro cantu
dae tottu veneratu
merita e festeggiadu
dae mannos e minores
oh! Bachis martire santu
dazzinnos paghe e amore
oh Bachis meraculosu
cunforta a chie ti giamata
a ...d'ogni viama
che martire venturosu
chi sese in chelu dizzosu
curannos d'ogni dolore
oh Bachis martire santu
dazzinnos paghe e amore
dae sos logos vicinos
veninia ti venerare
pro tottus potas precare
ca tenes donos divinos
che anzelos cherubinos
sese in chelu prottettore
oh Bachis martire santu
dazzinnos paghe e amore
oh Bachis t'ana ispozzadu
de sa este soldatina
c'as cambiatu lustrina
canno ti ses battiadu
pro cussu t'ana frustadu
t'ana frustadu a rigore
oh Bachis martire santu
dazzinnos paghe e amore
oje su nostru lettore
nos at vautu a inoche
ca tenese donos e dotes
preca pro sos anzianos
sos malaidos ghiren sanos
acchiti nostru dottore
oh Bachis martire santu
dazzinnos paghe e amore
so una mama dolente
e piena de dolorese
ieo ti preco chin amore
sia lontana opresente
curannos totu sa zente
o soldatu imperiore
oh Bachis martire santu
dazzinnos paghe e amore
> |
